Ruta do viño do Ribeiro

Con 115 adegas e máis de 2.500 hectáreas de viñedos, o territorio da Denominación de Orixe Ribeiro conta con máis de 5.500 viticultores. Non acharás aquí grandes extensións de viñedo, senón miles de pequenas parcelas onde se cultiva a vide desde polo menos o século I. Foron os monxes benedictinos quen, en época medieval, deron un gran impulso á elaboración do viño, que se reduciu ao ámbito familiar e de autoconsumo. 

Visitar as adegas do viño do Ribeiro

Moitas das adegas ofrecen programas de visitas guiadas e catas dos seus viños, que tamén poderás probar nos moitos aloxamentos de turismo rural da zona, maridados cos mellores produtos gastronómicos da terra. 

En Santo André de Camporredondo, moi preto de Ribadavia, atópase o Museo do Viño de Galicia, onde, nunha antiga casa prioral do século XVIII que tamén funcionaba como adega, poderás coñecer a historia, tradición e técnicas de elaboración do viño. A entrada é gratuíta.