Casas Rurais Galicia: a túa reserva on-line

Vive o Turismo Rural de Galicia

Date un respiro en plena natureza e déixate aloumiñar polo sol e a brisa do mar. Reláxate en aquecidas augas termais. Navega en barcas e cruceiros por rías e ríos. Osixénate paseando entre bosques e viñedos, prados e areais. Extasíate contemplando espléndidas paisaxes.

Déixate seducir polo silencio e os sons da nosa natureza. Procura benestar canda a quen ben queres. Enchóupate de aromas, sabores e texturas; Degusta pratos con produtos ecolóxicos e locais. Goza de viños e licores. Conversa sen presas con persoas amables e sinxelas.

Emociónate con engaiolantes historias a carón do lume; Visita igrexas, mosteiros, faros, pazos, museos, adegas. Participa das nosas feiras e romarías. Mergúllate na música e tradicións, e merca os produtos e artesanías da nosa terra galega.

Xa sabes: Galicia calidade!

Galicia Turismo Rural, onde a anfitronía é natural

Cada vez máis persoas procurades a calidade e a diferenciación valorando a singularidade dos establecementos rurais galegos e a espléndida e variada mostra de espazos senlleiros, recursos naturais, culturais e turísticos da contorna. Tamén aprezades a excelente oferta gastronómica e enolóxica e incluso a súa proximidade aos Camiños de Santiago.

É , sen embargo, a amabilidade e a xenerosidade das persoas anfitrioas o que a maioría da xente viaxeira suliñades a diario.

Grazas por confiar na nosa proposta, por contribuir a que as nosas mans e as portas de tantos aloxamentos rurais de Galicia sigan abertas de par en par , con ilusión, esforzo e anovada esperanza.