Cabo Touriñán
Non deberías visitar a Costa da Morte sen facer unha parada neste faro. O Cabo Touriñán é o punto máis ao oeste de España, gañándolle a Fisterra por moi pouco, e ademais en determinadas épocas do ano (entre o 24 de marzo e o 23 de abril e no verán entre o 18 de agosto e o 19 de setembro) é o punto onde poderás ver o último raio de sol de Europa continental. Moito máis salvaxe e menos visitado que Fisterra, aquí gozarás duns atardeceres inesquecibles.
Dende o faro de Fisterra, pasando por Touriñán e continuando por toda a Costa da Morte ata a localidade de Malpica, existe unha ruta de sendeirismo de 200 quilómetros, coñecida como o Camiño dos Faros, que pode realizarse por etapas e permitirache vivir unha experiencia inigualable bordeando a costa máis salvaxe da Península Ibérica.
