Descobre Galicia a través dos seus sabores: Estadías rurais con obradoiro de cociña impartido por André Arzúa

SASASÉ (Sabores, Sabores e Sentires) é unha experiencia para grupos de 10 - 12 persoas viaxeiras coa que achegarse aos saberes e sentires de quen vive no rural e aos sabores, aromas e texturas de produtos cultivados, criados, producidos ou elaborados na nosa terra.

Inclúe catas e degustacións enogastronómicas, posibilitando, de paso, a participación das persoas viaxeiras en actividades tradicionais vinculadas ao patrimonio natural e cultural da contorna dos establecementos.

Que inclúe esta experiencia?

• Estadía de 2 noites* para grupos de 10 a 12 persoas en aloxamentos rurais.
• Obradoiro de gastronomía co prestixioso chef André Arzúa.
• 1 xantar ou 1 cea elaborada polo grupo participante coa supervisión do chef André.

*Estadía en réxime de só aloxamento en habitacións dobres (mínimo 2 persoas por habitación).

Quen pode participar?

Grupos de 10 a 12 persoas.

Prezo por persoa:

100€

Observacións

Esta acción fica suxeita á dispoñibilidade  de datas libres dos establecementos participantes. Pódese consultar a listaxe completa dos establecementos participantes na seguinte ligazón:

Aloxamentos e datas dispoñibles: preme aquí

As reservas fanse directamente nos establecementos a través do teléfono ou o correo electrónico que aparecen nesa listaxe.