15º Outono Gastronómico


Como cada ano, e xa van 15!, aloxamentos de turismo rural de Galicia ofrecen de novo unha experiencia única. Esta cita é xa ineludible no calendario de moitas persoas que procuran descanso e respiro en lugares cheos de engado, calma e beleza, a atención e os coidados que neles lles brindan, mesturado todo elo cos praceres da boa mesa.

De setembro a decembro, a gastronomía e o turismo rural de Galicia ofrecen a súa perfecta maridaxe baixo a suxerente proposta do Outono Gastronómico.

Neste 2021, 73 aloxamentos de turismo rural espallados por toda a xeografía galega ofrecen de novo puntos de encontro nos que gozar canda a parella, as amizades ou a familia.

>> Visualiza a programación aquí <<

Ademais de estadías de 1 ou 2 noites de aloxamento en espazos incomparables e uns riquísimos e abondosos almorzos, poderás degustar exquisitos menús de Outono Gastronómico, elaborados cos mellores productos das hortas e campos, do mar e mesmo dos ríos de Galicia, algún deles producidos e elaborados baixo o amparo das Denominacións de Orixe e as Indicacións Xeográficas Protexidas.

Modalidades do Outono Gastronómico

Porque o mereces, reserva xa

Desde o 17 de setembro ate o 19 de decembro ven gozar do outono Gastronómico.

Paquete ou Fin de Semana? Tómate o teu tempo para escoller, mais lembra que en ocasións as cousas boas da vida voan e sería una mágoa perdelas.

Elixe aloxamento en galiciaturismorural.es

1. Selecciona o aloxamento de turismo rural que máis che guste.
No mapa superior desta páxina poderás elixir por localización os aloxamentos que permiten empregar o bono. Ao final da páxina tamén tes unha táboa con todos os aloxamentos e unha pequena descrición dos mesmos.

Ver oferta

2. Accede á ficha de cada aloxamento para ver a oferta gastronómica e as actividades no caso de que dispoñan delas.

Fai a túa reserva

Contacta directamente co establecemento a través dos datos de contacto que atoparás na súa ficha.

Reserva por teléfono

3. Na ficha de cada aloxamento atoparás o seu número de teléfono.

4. Facilita os teus datos de reserva e comproba telefónicamente a dispoñibilidade das datas seleccionadas.

Reserva por email

3. Na ficha de cada aloxamento atoparás o seu email de contacto.

4. Facilita os teus datos de reserva e comproba vía correo a dispoñibilidade das datas seleccionadas.

5. Nun breve intervalo de tempo recibirás a confirmación do teu reserva.

Outono Plus

Ademais da experiencia gastronómica, máis da metade dos aloxamentos ofrecen actividades complementarias para que a fin de semana sexa aínda máis inesquecible.

A oferta é amplísima: Roteiros guiados de sendeirismo, de bicicleta  ou a cabalo, visitas a adegas, cruceiros en barco, rafting, obradoiros gastronómicos, circuítos termais, clases de surf, observación de estrelas... e moito máis.

>> Visualiza las actividades aquí <<

Gárdasme o segredo? OuBono Gastronómico

Se tras dúas estadías de dúas fin de semana Outono Gastronómico para dúas persoas en dous aloxamentos de turismo rural distintos –deberás cubrir o OuBono Gastronómico que che facilitarán  nos  propios establecementos–, es das 25 primeiras persoas en solicitalo, Turismo de Galicia agasallarate con outra fin de semana Outono Gastronómico para dúas persoas. Só hai 25 bonos dispoñibles!

OBSERVACIÓNS:

Os aloxamentos de turismo rural de Galicia, ademáis dos protocolos de limpeza, hixiene e desinfección xa implementados, vimos agregando os procedementos, normas e medidas establecidas polas autoridades sanitarias. Todas elas, na actual situación, fican suxeitas aos cambios que periodicamente as autoridades veñen ditando para concellos e/ou áreas sanitarias.

Proporcionarvos espazos seguros forma parte das nosas prioridades.

Os menús de Outono Gastronómico poderanse degustar tamén naquelas casas que ofrezan servizo de restaurante aberto ao público, previa reserva de  mesa.

Goza de Galicia como nunca. Apúntate xa ao Outono Gastronómico no Turismo Rural de Galicia.

Catálogo completo Outono Gastronómico

Casas rurais