Outono Gastronómico 2021 en Pontevedra

Galicia Turismo Rural   |   09 Outubro 2021   |   Outono no turismo rural Gastronomía Turismo rural Galicia

Concluímos o noso percorrido polos menús de Outono Gastronómico ofrecidos polos establecementos de turismo rural de Galicia que podes reservar na nosa web, coas propostas gastronómicas das casas rurais da provincia de Pontevedra.

Para non alongalo demasiado, comentamos o prato principal (segundo prato) de cada menú. Lembra que cada establecemento ofrece dous menús distintos e que cada menú está composto de entrante, primeiro prato, segundo prato, sobremesa e viño dunha das D.O. de Galicia.

Casa San Ginés (Vila de Cruces)

Elaborados menús con produtos da terra con un toque de imaxinación e unha sobremesa misteriosa, a "Sobremesa de María". Pratos destacados: Paspallás en escabeche con patacas suflé e Castaña de Galicia ou solombo de porco recheo de queixo azul de Galicia e noces con puré de Pataca de Galicia.

Ver menú completo

Casa Don Din (Vila de Cruces)

O galo de curral e a costilleta de Tenreira Galega son os protagonistas dos seus menús, onde non faltan os produtos da horta e o marisco.

Ver menú completo

A Casa da Botica (A Estrada)

Os seus dous menús combinan pratos clásicos na gastronomía galega, incluíndo carne e peixe. Pratos principais: Faceiras de tenreira guisadas ao Mencía con verduras confeitadas ou bacallau ao forno con pataca panadeira e cebola.

Ver menú completo

Torres de Moreda (A Estrada)

Esta casa estradense ofrécenos menús con produtos de agricultura ecolóxica nos que destacan o xarrete de Tenreira Galega con Castaña de Galicia e mazá de agricultura ecolóxica, ou unha cazola de rape con ameixas.

Ver menú completo

Casa Grande de Fuentemayor (Silleda)

Entrantes e primeiros moi elaborados, con produtos de proximidade e con dous protagonistas nos seus menús: Entrecosto de Tenreira Galega con Mel de Galicia e cervexa artesá, ou un salmón en mollo de laranxa con arroz salvaxe.

Ver menú completo

Torre do Río (Caldas de Reis)

Dous menús con pratos tradicionais e produtos de excelente calidade. No menú 1 a proposta principal é o solombo ibérico á pementa, mentres que no menú 2 o protagonista é un salmón ao papillote con verduras.

Ver menú completo

Casal Dos Celenis (Caldas de Reis)

Aposta pola simplicidade e a sinxeleza dos produtos de gran calidade. Destaca o largo da man de Ternera de Galicia con patacas e chícharos ou a pescada guisada en cazola.

Ver menú completo

Casal do Umia (Cambados)

Un delicioso clásico como la tortilla de patata de Galicia con chorizo de Lalín y el pescado de temporada son los protagonistas de sus menús.

Ver menú completo

Casa da Pastora (Cambados)

Peixes e mariscos aparecen con xenerosidade nos seus dous menús, que no caso do menú 1 ten como prato principal unha pescada á galega, mentres que no menú 2 o prato forte é unha Tenreira Galega asada ao forno con guarnición.

Ver menú completo

Casal de Folgueiras (Meis)

Os seus dous menús comparten entrantes e primeiro prato. No menú 1 o prato principal é a robaliza ao forno en salsa de cítricos, mentres que o menú 2 está comandado por unhas costilletas de cordeiro lechal ao coñac con guarnición.

Ver menú completo

Aldea Bordóns (Sanxenxo)

Menús con aromas e sabores do mar como protagonistas absolutos. No menú 1 o prato principal é o polbo con patacas, mentres que no menú 2 decántanse por un peixe á prancha con pataca galega.

Ver menú completo

A Casa de Larache (Vilaboa)

Peixe, marisco e polbo están presentes en ambos os menús. No menú 1 fan compañía a un secreto selecto de castaña con patacas e pementos do piquillo, mentres que o menú 2, totalmente mariñeiro, está protagonizado por unha pescada do pincho.

Ver menú completo

Lugar dous Devas (Covelo)

Portugal está preto, e nótase para ben nestes menús. No primeiro menú o prato principal é bacallau rebozado con cebola confeitada e pataca panadeira, mentres que no menú 2 propoñen un entrecosto de Tenreira Galega con salteado de verduras e patacas fritas.

Ver menú completo

A Cantaruxa Maruxa (Mondariz)

Unha clara aposta polos produtos de proximidade caracteriza aos menús desta casa. No menú 1 o prato principal son unhas carrilleras de Tenreira Galega ao Mencía, mentres que no menú 2 o protagonista é un prato de pescada do petisco á mariñeira con ameixas.

Ver menú completo

Vinosobroso Casa Rural (Mondariz)

Os vexetais da súa horta están moi presentes nos menús que nos propoñen, protagonizados por un solombo de porco ao allo cociñado á grella con puré de batata ou o polo Vinosobroso: peituga de polo cocida con patacas e verduras coloridas á xuliana.

Ver menú completo

Pazo da Escola (Gondomar)

Menús moi completos con carnes, peixe, arroz... Destaca o codillo asado con salsa agridoce e o bacallau con allada arriera.

Ver menú completo

 

Lembra que en cada casa ofértanse 2 menús distintos, todos compostos de entrante, primeiro prato, segundo prato, sobremesas caseiras e viños das DO galegas.

Podes reservar a túa escapada de fin de semana directamente na nosa web. Non cho penses demasiado, as casas que ofertan menús de Outono Gastronómico son as primeiras en ocuparse. Boa estancia e bo proveito!