O outono en Galicia recrea o bosque cheo de cor. Das árbores van caendo as follas de vagariño. Os múltiples verdes van deixando paso a unha gran variedade de cores: ocres, amarelos, avermellados ou marróns. Subir a un outeiro e contemplar o mosaico de cores no bosque é unha delicia.
Despois do estío, o bosque de Galicia revive no outono. As primeiras choivas enchen de novo os regatos de auga. É o momento de percorrer as numerosas rutas de sendeirismo polas beiras dos ríos e dos regos, acompañados do son da auga e descubrir as innumerables fervenzas, grandes e pequenas, que nesta época recuperan o seu esplendor. Se tes paciencia e sorte, pode que teñas a oportunidade de avistar alguna lontra, especialmente en zonas de augas tranquilas afastadas dos núcleos habitados.
O outono é o mellor momento para fotografiar os bosques de Galicia
Estamos nun momento no que os entusiastas da fotografía atoparán centos de motivos para capturar coas súas cámaras. A luz do outono considérase a mellor do ano para a fotografía de natureza e a diversidade de razóns para fotografar nos bosques e nas beiras dos ríos, dende muíños a cogomelos ou camiños sombríos onde a luz do sol apenas chega, permiten a obtención de imaxes espectaculares.
E a choiva? En xeral, agás tormentas específicas, a choiva do outono en Galicia é suave e forma parte da paisaxe. Só tes que equiparte adecuadamente para gozar do brillo especial que a auga tira da pedra e da vexetación, ademais dese aroma especial da terra húmida cando comeza a chover, que se coñece como petricor e que nos transporta fóra do tempo ocupado en que vivimos.
En definitiva, o outono nos bosques de Galicia é unha época para percorrer, camiñar e gozar do espectáculo da natureza cos 5 sentidos. Convidámoste a vir ás casas rurais que atoparás na nosa web, onde podes facer directamente a túa reserva.
