Redes, un pobo de película xunto á ría de Betanzos
Ares (A Coruña)
O pequeno pobo mariñeiro de Redes e o seu diminuto porto respiran encanto polos catro custados. Tanto que foi escenario de rodaxes de series de televisión e películas, entre elas 'Julieta' de Pedro Almodóvar. Merece a pena dar un paseo polas súas tranquilas rúas con fermosas casas de veraneo de principios do século XX, algunhas delas blasonadas. As casas chegan xusto á beira da ría, o que permite aos seus habitantes acceder a elas en barca. Un remanso de paz que convida ao relax e a tranquilidade.
