Os Migueliños é unha casa de labranza situada en Catoira, nas Rías Baixas e preto da Ruta do Mar de Arousa no Camiño de Santiago.
O establecemento ten 5 habitacións dobres, das cales 2 teñen hidromasaxe e ducha de vapor. Ademais, ten 3 apartamentos rurais que combinan dúas habitacións, unha con cama de matrimonio e a outra con dúas camas individuais, así como salón-cociña e porche. No exterior hai un xardín, zona de churrasco e pista de tenis.
Entre as actividades que se poden facer nas inmediacións está a visita ás Torres Vikingas de Catoira ou aos antigos muíños de vento. Tamén podes acceder aos recursos turísticos da ría de Arousa, destacando o Parque natural de Corrubedo en Ribeira, o castro de Baroña en Porto do Son ou o casco histórico de Cambados.
