Benefíciate de tódalas vantaxes para Axencias de viaxes

Galicia Turismo Rural é unha plataforma web de reservas para aloxamentos de turismo rural en Galicia, promovida por FEGATUR (Federación Galega de Turismo Rural), en colaboración coa Axencia Turismo de Galicia pertencente á Xunta de Galicia, co obxecto de facilitar a comercialización en liña dos establecementos de turismo rural rexistrados.

A Federación, grazas ao convenio de colaboración, presta o servizo de forma gratuíta e nunca participa na reserva do produto, unicamente promove o contacto entre o establecemento e a axencia de viaxes.

Se es unha Axencia de viaxes podes inscribirche directamente no portal ou facelo a través de maioristas cos que dispoñemos de convenio.

En todo caso queremos que a experiencia resulte satisfactoria para todas a partes: os Establecementos de turismo rural, porque logran incrementar a súa ocupación, e as Axencias de viaxes, porque dispoñen dunha ferramenta áxil que mostra dispoñibilidade en tempo real* que permite contratar cun click sen consultas telefónicas nin confirmacións.

No panel de xestión aparecerán, segundo os filtros empregados, todos aqueles aloxamentos que teñan dispoñibilidade nas datas marcadas. Con todo, no apartado "Casas Rurais" atoparás o mapa completo con todos os aloxamentos, tanto aqueles que teñen reserva en liña directa desde a nosa plataforma, como os que requiren doutro tipo de contacto.

FEGATUR non intervén para nada na reserva de produto, unicamente proporciona a plataforma que permite poñer en contacto a Axencias de viaxes e Establecementos de turismo rural (que realmente son os provedores de aloxamento), que á súa vez son os que realizan a transacción directa. Así pois, FEGATUR non é responsable, non garante, nin ofrece soporte tampouco na súa execución, sendo as propia Axencias de viaxes a que debe velar para que a reserva e a súa execución leven a bo termo.

A plataforma GaliciaTurismoRural.es é unicamente un punto de encontro e como está instalada en lugar remoto utilizando servidores e redes de comunicación de terceiros, FEGATUR non pode garantir o seu perfecto uso ao 100%, declinando toda responsabilidade sobre caídas de liña, cortes de subministración, caída de servidores ou similares.

GaliciaTurismoRural.es basea o seu traballo en:

a) Sistema de comisión fixa, que FEGATUR acorda co Establecemento de turismo rural, e que, á súa vez, pódea aceptar ou non ao seu libre albedrío, ou pode tamén bloquear tramos durante os cales non ofrece comisión.

b) Condicións establecidas para a compra configuradas por cada Establecemento de turismo rural (prazos, anticipos e fórmulas de devolución que desexe) e que deberán ser aceptadas polas Axencias de viaxes antes de proceder á súa compra.

c) Alta na plataforma por parte das Axencias de viaxes, que acoden ao buscador para localizar aloxamentos no territorio de Galicia. A ordenación de resultados quedará establecida por orde aleatoria.

d) Condicións diferenciais para as Axencias de viaxes. FEGATUR esixe o rexistro de cada Axencia de viaxe que como tal estea constituída e non admite o alta daquelas persoas físicas ou xurídicas que non cumpran estritamente este requisito. Unha vez validada poderá dispoñer de prezos de axencias, netos despois de restar as comisións.