Os establecementos de turismo rural somos unha opción diferenciada e diferenciadora, sostible e de calidade, que conformamos unha privilexiada rede de aloxamentos en lugares emblemáticos da nosa terra.
Cada vez máis persoas procuran casas de turismo rural para a súa estadía en Galicia, mesmo cando percorren espazos senlleiros ou peregrinan por algún dos Camiños de Santiago.
É evidente que nestes dous últimos anos a situación vivida mudou moitas realidades e proxectos vitais, presentando novos retos, reclamando novas estratexias e calendarios nas nosas vidas, no lecer e no traballo.
Situar a nosa terra como destino de referencia para persoas viaxeiras que procuran experimentar un turismo seguro, saudable, sostible e de calidade no medio rural é o xeito máis doado de darlle axeitada resposta, diferenciada e diferenciadora, algo, por certo, que acotío vimos ofrecendo en www.galiciaturismorural.es.
Afortunadamente, a reactivación do Turismo Rural de Galicia, aséntase sobre piares firmes e recoñecibles, grazas...
- Á acolledora e xenerosa actitude das persoas anfitrioas.
- Á singularidade da ampla oferta de establecementos de turismo rural.
- Á espléndida e variada mostra de recursos naturais, culturais e turísticos a gozar nas súas contornas.
- Ás prezadas ofertas gastronómicas e enolóxicas, recoñecidas e ben posicionadas no ámbito nacional e internacional.
- Ao inmellorable emprazamento, ao pé dos Camiños de Santiago, de moitos dos establecementos de turismo rural.
Numerosas e poderosas son, pois, as singulares bondades que os aloxamentos rurais de Galicia atesouramos.
Por iso, se intelixente e sostible é poñelas en valor e difundir a súa ampla, diferenciada e variada oferta, aínda o é máis aproveitalas e seguir apostando por Galicia e os seus aloxamentos rurais.
Un turismo sostible e de calidade en contornas rurais distínguese, ademais de polo seu emprazamento e arquitectura ou a proverbial bondade e xenerosidade que nos recoñecen na acollida, pola profesionalidade na atención ás persoas e na xestión dos recursos.
Tamén, á hora de procurar unha óptima visibilización, debe distinguirse por ofertar valores, experiencias e propostas claras, atractivas e homoxéneas, procurando así diferenciarse de quen só ofrece o uso dun inmoble a miúdo impersoal, xenérico, instalado pero apenas conectado co lugar e a súa xente, incapaz, logo, de transmitir os saberes e sentires que conforman a identidade comunitaria dun rural vivo.
Por iso vimos desenvolvendo estratexias de comunicación e de posicionamento que potencien tanto a promoción, como unha doada e sinxela comercialización.
E facémolo con ferramentas, accións e actividades amparadas sempre no que establece o marco normativo vixente.
Son, estes tempos, ocasión propicia para ofrecer unha novidosa mostra de suxestivas e atractivas experiencias a persoas e grupos diversos, seniors, familias, singles, etc. Experiencias,moitas delas, susceptibles de ser gozadas en épocas diferentes e incluso útiles como fontes de fidelización.
Faise preciso, pois, a creación de paquetes turísticos de calidade, diferenciados e diferenciadores, e dirixidos a distintos perfís.
Establecidas canles de confianza con persoas que desenvolven o seu traballo na intermediación (turoperadores e axencias de viaxes galegas), estamos a promover a creación e comercialización de catálogos con paquetes de experiencias no turismo rural.
Á par, seguimos a cultivar a coordinación, a integración e a confianza dentro do propio sector, cunha oferta complementaria, procurando a interacción con outros axentes da cadea de valor (establecementos de restauración, espazos expositivos, de ocio, museísticos, empresas de transporte, de turismo activo, de guías, así como con asociacións e colectivos vinculados ao Camiño e ao desenvolvemento do medio rural). Deste xeito van abroiando novas sinerxías que permiten a súa integración en novos e suxestivos paquetes e ofertas, dirixidas tanto a público galego como nacional e internacional.
A experiencia cotiá segue a nos alentar na creación e reforzo de redes colaborativas de calidade, que procuran a diferenciación e a excelencia do Turismo Rural en Galicia. Seguro que nos han seguir a recargar de forza, facéndonos competitivas e invencibles na conquista dos mercados...e sobre todo, dos corazóns da xente.
 TR-PO-000132 Casa A Mimoseira Lugar Carballeira, 28 - O Pazo - 36684 - A Estrada (Pontevedra) Casa Mimoseira é unha casa de aldea de 1837 en A Estrada, comarca do Deza-Tabeirós, ao norte da provincia de Pontevedra, moi preto de Santiago de Comp Ver máis  TR-CO-000111 Muíños de Pontenoval Ponte Noval s/n - Mera de Arriba - 15349 - Ortigueira (A Coruña) Muíños de Pontenoval son dous antigos muíños situados nun val protexido do río Mera, en Ortigueira, comarca de Ferrolterra, nas Rías Altas. Ver máis  TR-OR-000070 Reitoral de Chandrexa A Casalta - 32747 - Parada de Sil (Ourense) Reitoral de Chandrexa é unha casa de labranza situada en A Ribeira Sacra ourensá, cerca de Parada de Sil e do embarcadoiro de Santo Estevo. Ver máis Ver todas |
